Tyd met Tapas
Laat jou gaste vergeet van tyd met ń verskeidenheid klein bakkies kos, warm en koud, en daarby heerlike, vars brood. So ń peusel-ete is sakpas en gemaak vir kuier.
Verras jou gaste met spanspek wat in ń riffelpan gebraai is met ons Slaai met gebraaide spanspek en ham
8 –10 porsies
• 30 ml olyfolie
• 1 groot spanspek, pitte verwyder en in skywe gesny
• 60 g roketblare
• 70 g (10 repies) parma-ham
• 250 g vars mozzarella (bocconcini)
• 125 g winkel-basiliekruidpesto
• hand vol vars basiliekruid
• sout en varsgemaalde swartpeper
Verhit riffelpan tot vuurwarm – die rook moet letterlik daaruit draai. Sprinkel olyfolie oor spanspek. Sit skywe in warm pan en braai 5 – 8 minute per kant of tot goudbruin. Plaas op opdienbord. Sprinkel roketblare oor. Pak ham tussenin. Breek mozzarella-balle in kleiner stukke en plaas ook op bord. Skep pesto oor en sprinkel vars basiliekruidblare bo-op. Geur goed met sout en swartpeper. Sit voor.
Slaai met gebraaide spanspek en ham
FOTO: Lee Malan
Tokara sauvigno Blanc
Edition SARIE Maart 2012 | Story Tyd saam met Tapas|Resep Slaai met gebraaide spanspek en ham
The post Slaai met gebraaide spanspek en ham appeared first on SARIE.