Jy kry witsjokolade, melksjokolade, donkersjokolade en nou robynsjokolade! ’n Sjokolade wat melkskommelpienk is.
En nee, dis nie kunsmatig gekleur nie. Dié robynsjokolade word van die robyn kakaoboon gemaak, vandaar die kleur. Die bone kom voor in Ecuador, Brasilië en die Ivoorkus.
Dis die eerste keer in 80 jaar dat ’n “nuwe soort” sjokolade glo gemaak is, berig Independent. Die Switserse sjokoladevervaardiger Barry Callebaut het dit by ’n eksklusiewe geleentheid in Sjanghai, China, bekendgestel.
Volgens Food & Wine het wetenskaplikes glo 10 jaar aan die robynsjokolade gewerk. Hoewel dit ’n bessiegeur het, is geen bessies of vrugte by dié sjokolade gevoeg nie.
Lees die amptelike persverklaring deur Barry Callebaut hier.
FOTO Barry Callebaut
Kyk die video hier:
The post Het jy al dié robynsjokolade gesien? appeared first on SARIE.