Hierdie treffer kan koud of warm geniet word. Ons hou maar van ’n bietjie soet in ons kos. Hierdie sous maak die hoendervleis heerlik sag, want dit bak in die sous. Die hoender word ook in die sous gelaat om af te koel, dan is dit heerlik sappig.
genoeg vir 8
• 125 ml romerige mayonnaise
• 125 ml blatjang
• 65 ml worcestersous
• 8 hoenderboudjies
• 8 hoenderdye
• sout en varsgemaalde swartpeper
Verhit oond tot 180 °C. Gooi mayonnaise, blatjang en worcestersous in ’n mengbakkie. Meng baie goed. Pak al die hoenderstukke in ’n groot oondbak. Geur met sout en peper en gooi sous oor. Maak seker al die hoenderstukke is goed bedek met sous. Maak bak toe met foelie en plaas in oond. Oondbak 1 uur. Haal uit oond en verwyder foelie. Bedruip hoenderstukke met sous en plaas oop terug in oond. Oondbak nog sowat 40 minute tot hoendervel brosserig en bruin is. Haal uit en laat in die sous afkoel tot kamertemperatuur. Skep uit sous in opdienbak en sit voor met ’n groenslaai en orige sous in opdienbak.
The post Blatjanghoender appeared first on SARIE.