Chorizo is propvol geur, en jy kan al die verskillende geure in dié sous proe.
– 60 ml olyfolie
– 250 g Spaanse worse (chorizo), in skywe gesny
– 400 g klein rosa-tamaties, gehalveer
– 250 ml room
– 170 g ontpitte swart olywe, gedreineer
– sout en varsgemaalde swartpeper
– 500 g penne
Verhit olyfolie in ’n diep pan en braai wors sowat 5 minute terwyl jy roer. Voeg tamaties by en braai oop tot tamaties sag word. Voeg room by en geur met sout en peper. Laat oop prut tot room verdik het. Voeg olywe by en meng goed deur. Kook penne volgens aanwysings op pak en dreineer in vergiettes. Gooi penne in groot opdienbak en voeg sous by. Meng goed deur en sit dadelik voor.
FOTO Micky Hoyle
The post Spaanse wors (chorizo) met swart olywe appeared first on SARIE.