As jy nie swartbone kan kry nie, gebruik swartbek-boontjies (black-eyed beans).
Genoeg vir 6
- 250 g droë swartbone
- 1 rooi soetrissie, in blokkies gesny
- 1 geel soetrissie, in blokkies gesny
- groot hand vol vars koljander, grofgekap
- 1 blik (340 g) mielies, gedreineer
- 1 rooi-ui, fyngekap
- 100 g klein rosa-tamaties
SOUS
- 150 ml olyfolie
- sap van 1 suurlemoen
- 2 knoffelhuisies, fyngekap
- sout en varsgemaalde swartpeper
Sit die bone in ’n groot kastrol en gooi koue water by. Die bonemoet heeltemal bedek wees. Maak toe met ’n deksel. Bring die water tot kookpunt en kook vir 5 minute. Laat die bone minstens 2 uur in die water staan. Dreineer en gooi terug in die kastrol. Gooi water op en bring tot kookpunt. Kook tot die bone sag is (dit duur sowat 11⁄2 uur).
Dreineer en laat afkoel. Meng al die bestand- dele (behalwe die sous s’n) in ’n groot bak. Meng nou die sousbestanddele en gooi oor. Roer goed deur en sit voor saam met gebraaide tortillas.
The post Swartbone-salsa-slaai appeared first on SARIE.