Ek het inspirasie vir dié resep op een van my gunsteling-YouTube-kanale, Tasty, gekry.

genoeg vir 6

• 250 ml water
• 30 ml bruinsuiker
• 80 ml botter
• 140 g (250 ml) koekmeel
• 4 eiers
• 1 x 385 g-blik karamelkondensmelk
• 100 ml melk
• sonneblomolie vir diepbraai
• kaneelsuiker om in te rol
• 1 liter roomys van jou keuse

• 1
• 2
• 3
• 4
• 5

« »

Stap 1

Bring water, bruinsuiker en botter tot kookpunt in middelslagpot. Voeg al die meel op een slag by.

Stap 2

Roer mengsel op warm plaat met draadklitser tot alles in een bal saamkom en wegtrek van die kante van die pot, sowat 2 – 3 minute.

Stap 3

Laat mengsel afkoel tot louwarm en voeg eiers een vir een by. Roer elke keer goed.

Stap 4

Skep mengsel in spuitsak met 1 cm-skerprandtuit. Draai standaardgroot kolwyntjiepan met 12 holtes onderstebo en spuit goed met kleefwerende kossproei. Spuit ronde sirkelbakkies (sien foto) op die kolwyntjiepan se buitekant. Plaas in vrieskas tot gevries.

Churro-bakkies met karamel

MAAK SÓ KLAAR
Plaas kondensmelk en melk in klein pot en roer oor hoë hitte tot gladde sous. Verhit olie vir diepbraai tot warm. Lig gevriesde deegbakkies van kolwyntjiepan af en plaas dadelik in warm olie. Braai 8 – 10 minute of tot goudbruin en bros. Dreineer op kombuispapier en rol in kaneelsuiker. Plaas op opdienbord en skep balle roomys in elkeen. Gooi karamelsous koud óf warm oor en sit voor.

FOTO Donna Lewis

The post Churro-bakkies met karamel appeared first on SARIE.

In my kombuis vat ek graag kortpad en ek is nie skaam om dit luidkeels te erken nie. Maar die geheim van ’n kortpad is om dit só te doen dat jy nie die smaak van die eindresultaat te na kom nie.

Een van my gunsteling-kortpaaie (veral ná ’n lang dag se werk!) is klaargaar hoender van die supermark.

Maar vergeet daarvan om dit net so gewoon voor te sit, daar wag vir jou ’n nuwe wêreld van geur en smaak met dié maklike resepte.

Klik op die resepnaam of foto vir die resep

1. Pastei met klaargaar hoender

Die geheim van enige pastei is die sous wat jy by die gevlokte hoender sit. Maak seker jy gebruik blaardeeg wat van regte botter gemaak is – die kors gee die pastei net soveel smaak soos die vulsel.

2. Hoender-mayo-broodjie

Met die lente hier is ’n heerlike broodjie terwyl die son sak net die ding. Boonop kan dit baie mense voed vir goedkoop! Die lekker van enige hoender-mayo-broodjie is in die naam: die mayo. As jy kans sien, maak jou eie mayonnaise. Dit sal die hoender van gewoon na buitengewoon laat smaak!

3. Romerige pasta

Wie kan nee sê vir vuurwarm pasta vol lekker smake van sampioene, parmesaan en, natuurlik, hoender? Neem jou tyd met die sous en laat dit stadig prut. Gebruik die beste kaas waarop jy jou hande kan lê. Dís wat gaan sorg vir geur in dié gereg.

4. Ertjie-en-hoender-risotto

As jy my hart op die plek wil laat smelt, nooi my na jou huis vir ’n bord vol roomsagte risotto. Dis ’n koningsmaal en goedkoop om te maak: en dis regtig nie so moeilik soos die fênsie sjefs jou wil laat glo nie. Gee die rysgereg lekker lyf en maak dit ’n ete op sy eie met gevlokte hoender. Die geheim van goeie risotto is die aftreksel wat jy gebuik.

5. Hoenderslaai

So oud soos die berge, maar stel nooit teleur nie! Soos met die broodjie, lê die lekker van die slaai in die mayonnaise wat jy gebruik en in die bros broodstukkies wat jy bysit. Maak seker jy sit die slaai dadelik voor ná jy hom gemaak het om te keer dat die blare pap raak. Hierdie kos is somer op ’n bord.

Lees nou

Churro-bakkies met karamel

Lekker ligte lente-aandetes vir die week + inkopielys

Só lyk kilojoules in jou kitskos

The post 5 idees met gaar hoender appeared first on SARIE.

Inspirasiekos van Spekko Rice

Spekko is die trotse borg van Inspirasiekos met SARIE op Via (DSTV 147) dié seisoen. Met Spekko-rys kry jy altyd meer – ook inspirasie vir heerlike nuwe geregte.

Japanse oester-rys

Moeg vir oesters uit die skulp? Probeer Spekko se Japanse oester-rys.

genoeg vir 3 – 4

• 45 ml (3 eetlepels) sojasous
• 45 ml ( 3 eetlepels) sake (Japanse ryswyn)
• 30 ml (2 eetlepels) mirin (soort Japanse ryswyn met minder alkohol en meer suiker as sake)
• 3 cm-stuk vars gemmer, dungesnyde stukkies
• 875 ml (3 ½ koppies) dashi- of groente-aftreksel
• 2 koppies Spekko Royal Umbrella Jasmine Rice
• 12 – 18 vars oesters, uit die skulp
• 4 preie, in dun repies gesny
• 8 wit sampioene, fyngesny
• gerasperde skil van 1 suurlemoen
• grasuie en pietersielie vir garnering

Verhit die sojasous, sake, mirin, gemmer en dashi.

Posjeer die oesters in die vloeistof vir sowat 5 minute. Skep uit en hou eenkant.

Verwyder die gemmer en meet die aftreksel. Voeg genoeg water by om 1 liter te maak.

Roer die rys by en kook stadig vir 15 minute.

Voeg die preie, sampioene en oesters by. Stoom vir 5 minute.

Roer die suurlemoenskil, grasuie en pietersielie by en sit voor.

Kyk hoe maak Anna Carolina Alberts die gereg vir Spekko

Besoek www.spekkorice.co.za vir meer resepte en volg Spekko op Facebook of @SpekkoRice op Twitter en @SpekkoSA op Instagram.

The post RESEP: Japanse oester-rys appeared first on SARIE.

Die afgelope week moes KFC vure doodslaan nadat kol. Harland David Sanders se geheime vingerlek-lekker resep van 11 kruie en speserye glo per ongeluk gelek het. Hulle ontken dit.

Maar Sanders se neef, Joe Ledington, het ’n boek met uitknipsels wat die laaste testament van Sanders se tweede vrou, Claudia Ledington, insluit, berig Netwerk24. Die geheime resep is glo op die agterkant van haar testament geskryf.

Die internet gons die afgelope week van gerugte oor dié resep. Kan dit werklik die ware jakob wees?

Ons is te nuuskierig en het besluit om dit vir julle uit te toets. Glo my maar, julle kan gerus solank die potte nader sleep, want dié resep gaan ’n gunsteling raak!

Die resep:

• 2 koppies koekmeel
• 2/3 eetlepel sout
• 1/2 eetlepel gedroogde tiemie
• 1/2 eetlepel gedroogde basiliekruid
• 1/3 eetlepel gedroogde origanum
• 1 eetlepel selderysout
• 1 eetlepel fyn swartpeper
• 1 eetlepel fyn gedroogde mosterd
• 4 eetlepels paprika
• 2 eetlepels knoffelsout
• 1 eetlepel fyn gemmer
• 3 eetlepels fyn witpeper
• 1 koppie karringmelk
• 100 ml water
• 1 eier, geklits
• 24 hoenderstukke
• olie vir diepbraai

1. Meng al die speserye.

2. Voeg meel by en meng goed.

3. Meng karringmelk, eier en water.

4. Doop hoenderstukke in karringmelk-mengsel en dan in speserymengsel. Herhaal met al die stukke.

5. Verhit olie tot warm (nie te warm nie, anders brand die buitekant voor die hoender gaar is). Dompel hoenderstukke in olie en braai vir 15-20 minute of tot mooi goudbruin en bros.

6. Dreineer op kombuispapier en sit voor.

SARIE se Liani Jansen van Rensburg, Zulfa Bessley, Carmen Botma, Emtia Morrison en Cara Rademeyer

Ons het ’n paneel van 5 gekry om die twee hoenders te vergelyk.

Die proe-toets:

5 hoenderstukke uit KFC se olie en 5 stukke uit SARIE se olie.

Die resultaat:

Die SARIE-hoender lyk of hy familie is van die ware jakob, maar die kors is nie so perfek soos KFC s’n nie. SARIE se kors is wel baie brosser omdat dit uit die olie dadelik op die bord is.

Die paneel proe:

Die kors is geurig en vol smaak, maar iets skort. Ons kan nie ons vinger daarop lê nie. Dalk is ons breine so gewoond aan die KFC-resep dat ons dink die sogenaamde ware jakob is nie reg nie. Ons proe die KFC-hoender en soos een man weet ons dat die resep wat die ronde doen nié die een kan wees wat KFC gebruik nie. Die kors is sagter, souter en bevat ander geure wat ons nie kan uitwys nie.

Die besluit:

KFC bly KFC! Niks gaan ooit daai geheime resep kan wees nie. Maar die resep wat uitgelek het, is regtig lekker. Dis vol geur en smaak en as jy self hoender wil maak, kan jy maar die resep oorweeg!

The post Die KFC-resep, ons toets dit! appeared first on SARIE.

In ’n wêreld wat soms te vinnig beweeg, kan ons Sondae tyd neem om saam met geliefdes te kook en te kuier. 

Herman Lensing, SARIE se kosredakteur, deel sy wenke vir ’n suksesvolle #SARIESondag!

Wat is die week op die spyskaart? Lees hier!

#1 Versier jou tafel. Groepeer bondels goedkoop kerse saam in leë glasvlesse. Gebruik takke en vrugte uit jou tuin om tekstuur te skep en ook die organiese element in te bring.

#2 Hou dit eenvoudig. Tradisionele Sondagtafels is bekend vir lamsboud en geroosterde hoender. Tuisgemaakte hamburgers is net so lekker vir ’n gemaklike kuier met vriende en familie en sny jou begroting met ’n hele paar rande!

#3 Lig en lekker vir poeding. Jogurt panna cotta is die perfekte manier om ’n swaar ete af te rond met iets vars wat nie te ryk is nie, maar tog dekadent vir nagereg.

FOTO Micky Hoyle

Kry die week se spyskaart hier!

The post Wenke vir jou lente-lekker #SARIESondag appeared first on SARIE.

Ons gaan onder die water vir ons ster-bestanddele van dié week se Inspirasiekos met SARIE: mossels en oesters.

Herman haal saam met SJ Poggenpoel van Peperbaai in Saldanha mossels uit en terug op vaste grond maak Herman ’n roti-brood, mosselkerrie en ’n verfrissende oestergereg met ’n mango-salsa. Skulpvis op sy beste! 

Hierdie episode van Inspirasiekos met SARIE (VIA, DStv-kanaal 147) is geborg deur Spekko. Met Spekko-rys kry jy altyd meer – ook inspirasie vir heerlike nuwe geregte.

Hier is die resepte: Smake uit die see!

Roti-brood

Dis ’n Indiese brood en die woord beteken letterlik “lagies gaar deeg”.

genoeg vir 12 

• 250 ml water
• 90 ml olyfolie
• 5 ml sout
• 460 g (1 000 ml) koekmeel, plus ekstra vir uitrol
• 115 g (125 ml) botter, gesmelt

Verhit oond tot 220 °C. Plaas water, olie, sout in middelslag-mengbak. Roer met houtlepel terwyl jy meel geleidelik byvoeg totdat die deeg ’n stywe, kniebare vorm het.

Knie 5 – 8 minute op meelbestrooide werkvlak of tot deeg glad en elasties is. Plaas in skoon bak wat met olie gesmeer is en laat rus 30 minute op warm plek. Rol deeg op meelbestrooide werkvlak tot 3 mm dik uit. Verf hele stuk deeg met botter. Rol deeg op in ’n lang deegwors. Sny wors in 12 stukke.

Rol elke stuk in vry vorm uit op ’n meelbestrooide werkvlak tot sowat 3 mm dik. Verhit kleefvrye braaipan tot matig warm en braai brood met bietjie olyfolie tot goudbruin en gaar, sowat 5 minute per kant. Sit voor saam met mosselkerrie.

Mosselkerrie

Mossels was nog nooit so fênsie nie!

genoeg vir 4

• 45 ml olyfolie
• 1 ui, fyngekap
• 30 ml vinkelsaad
• 30 ml rissievlokkies
• 45 ml gerookte masala
• 20 ml borrie
• 2 lourierblare
• 2 x 410 g-blikke klappermelk
• 1 x 410 g-blik gekapte tamaties
• 1 hand vol koljander, fyngekap
• sout en varsgemaalde swartpeper
• 1 kg mossels, skoongemaak

Verhit olyfolie in groot braaipan tot warm. Voeg ui, vinkelsaad en rissievlokkies by. Roerbraai vir 5 minute of tot uie begin verbruin – as dit lyk of die speserye begin brand, gooi ’n bietjie water by. Voeg res van speserye vir die sous by en roerbraai verder vir nog 5 minute of tot mengsel geurig is. Gooi klappermelk en tamaties by. Meng deur. Verlaag hitte en laat stadig prut vir 20 – 25 minute of tot dik, romerige sous vorm. Roer vars koljander deur. Geur goed met sout en peper. Gooi mossels by en maak pot toe. Laat kook vir nog 8 minute of totdat mosseldoppe oopgaan. Roer deur en sit voor.

Oesters met mango-salsa

Die soet tropiese smake is hemels saam met oesters.

genoeg vir 10

• ½ rooi-ui, baie fyngekap
• 1 rooi brandrissie, fyngekap
• 1 vars mango, geskil en in blokkies gesny
• pulp van 4 grenadellas
• 1 hand vol vars koljander fyngekap
• sap en skil van 1 suurlemoen
• 20 ml sjerrie-asyn (of witwynasyn)
• 20 vars oesters

Meng al die bestanddele behalwe die oesters. Maak oester oop met oestermes en sny los van die dop. Plaas op opdienbord. Skep salsa bo-op en sit voor.

Nóg Inspirasiekos met SARIE-resepte

Waterblommetjie | Sout

Besoek www.spekkorice.co.za vir meer resepte en volg Spekko op Facebook of@SpekkoRice op Twitter en @SpekkoSA op Instagram.

The post Ondersese wonders: mossels en oesters vir Inspirasiekos appeared first on SARIE.

Wanneer Sondag hier is, wil ons rustig met familie en vriende kuier. Herman Lensing, SARIE se kosredakteur, deel sy wenke vir ’n suksesvolle #SARIESondag!

Wat is die week op die spyskaart? Lees hier!

1. Hou die stysel op jou spyskaart min. Ek verkies net een styselgereg: dis gesonder!

2. Moenie groente oorgaar maak nie, stoom of braai dit net lank genoeg sodat dit bros en gaar is.

3. Vermy onnodige skottelgoed. Bedien sommige van jou geregte in die potte waarin jy dit gekook het. Potte is net so mooi soos grênd opskepbakke.

4. Kry die familie of gaste om die kuiertafel te help dek. Só voel elkeen hy is deel van die kuier.

5. Moenie oor politiek, geloof of geld aan tafel praat nie! Jy wil lekker lank en sonder ’n stryery kuier.

Geniet julle #SARIESondag!

Groete
Herman

FOTO Donna Lewis

Kry die week se spyskaart hier!

The post Herman se wenke vir ’n gemaklike #SARIESondag appeared first on SARIE.

Dis soms moeilik om almal met spesifieke dieetvoorkeure te akkommodeer. Vir dié week se #SARIESondag maak ons laktosevrye* geregte en kuier gesellig en gemaklik om die etenstafel. 

*As jy nie laktosevry wil kook nie, kan jy die laktosevrye jogurt met gewone ongegeurde jogurt vervang.

Blaai deur die galery vir dié week se #SARIESondag-resepte

• 1
• 2
• 3
• 4
• 5

« »

Kool-en-wortelslaai

Kry die resep hier

Kruiehoender oor die kole

Kry die resep hier

Jogurt-en-kruiebrood

Kry die resep hier

Beetsop

Kry die resep hier

Suurlemoen-ys-mousse

Kry die resep hier

Jou spyskaart 

Ons het spesiaal dié spyskaart ontwerp vir hierdie week se ete. Jy kan dit ook HIER gratis aflaai.

SARIE se kosredakteur, Herman Lensing, deel sy wenke om die beste #SARIESondag te hê. Lees hier!

The post Gesellig en gemaklik vir #SARIESondag met laktosevrye geregte appeared first on SARIE.

Daar is min dinge so lekker soos brosgebakte blaardeeg wat gevul is met smelt-in-die-mond-kaas, bros spek en suikersoet kersietamaties. Dit klink dalk na baie werk, maar soos julle my kombuis ken, is daar altyd ’n kortpad om te neem.

Dit sorg vir al die lekker sonder al die werk!

Tamatie-en-spek-souttert

genoeg vir 6

• 2 velle blaardeeg, gesny in sirkels met 20 cm-deursnee
• 250 g gekapte spek
• 200 g beleë cheddarkaas, gerasper
• 200 g kersietamaties, gehalveer
• 1 eier, liggies geklits

Verhit oond tot 180 °C. Spuit ’n bakplaat goed met kleefwerende kossproei. Plaas een vel blaardeeg op die bakplaat. Sprinkel spek, kaas en tamaties oor. Plaas tweede vel bo-op. Seël die kante stewig deur met vingerpunte op die deegrand te druk. Maak paar snytjies op die deeg met skerp mes se punt – jy kan self besluit hoe baie. Verf die deeg met eier en plaas in warm oond. Bak vir 20-25 minute of tot goudbruin en bros. Sny in skywe en sit warm voor met groenslaai of as peuselhappie.

The post Kortpad-souttert, Herman se manier! appeared first on SARIE.

As jy, soos baie van ons, op die 25ste salaris kry, is dié week die middel van jou salarismaand. Die goeie nuus is dat jy steeds lekker kan eet, al knyp die geld reeds. 

Al dié resepte het ’n Franse flair en is genoeg vir 4 mense. Geniet!

• 1
• 2
• 3
• 4
• 5

« »

Oondgebakte room-stokvis

Kry die resep hier

Oop Franse omelet met aspersies en kasjoeneute

Kry die resep hier

Hoender-prosciutto-sosaties met witboon-slaai

Kry die resep hier

Pastis-varktjops en vinkelbol-slaai

Kry die resep hier

Kaasbroodjie met hoender

Kry die resep hier

Kook ook

Wat maak ons Sondag? Ons kook vir almal. Kry die spyskaart HIER.

The post Jou week se eetplan: Middel-van-die-maand-etes appeared first on SARIE.

Brittanje is bekend vir koningin Elizabeth II, die slegte weer, skons, Wimbledon, prins Harry en – natuurlik – Jamie Oliver! En binnekort sal Suid-Afrikaners aan sy geregte kan smul by die nuwe restaurant Jamie’s Italian in Melrose Arch, Johannesburg.

En die man wat vir Jamie in sy Suid-Afrikaanse kombuis gaan verteenwoordig, is niemand anders nie as sjef Shane Smit. Maar vir Shane is ’n kombuis van Jamie niks nuuts nie. Hy het immers vir ’n jaar in die eerste Jamie’s Italian in Oxford, Engeland, gewerk en gekook. Dié restaurant is in 2008 geopen.

classic Creamy Wild Mushroom Risotto simple and delicious ozzey good times

A photo posted by Jamie Oliver (@jamieoliver) on Sep 6, 2016 at 5:32am PDT

Shane is gek na Italiaanse geregte en hoop dat Suid-Afrikaners by Jamie’s Italian ook hierdie liefde sal deel.

En Shane verklap dat daar beslis bekende Suid-Afrikaanse à la Italiaanse geure op die spyskaart sal verskyn.

Maar sou Shane vir Jamie ’n tradisionele eg Suid-Afrikaanse gereg kon maak, sal dit net een ding wees: Boerewors oor die kole!

“Daar’s net iets aan die geur van boerewors oor die kole,” vertel Shane aan SARIE.com.

Quick one to get sorted for lunch today….DIY basil pesto tagliatelle with tomatoes, beans & greens. finely grate cheese over the top and tuck in. Recipe over on my website X J # A photo posted by Jamie Oliver (@jamieoliver) on Aug 16, 2016 at 2:59am PDT

En as hy een gereg op Jamie’s Italian se spyskaart kan voorstel?

“Oe, die steurgarnaal-linguine. Dit is fantasties! Jamie’s Italian se franchise verkoop dié gereg gemiddeld een keer elke minuut van die dag.”

Vyf blitsige vrae met Shane

1. Winter of somer?

Somer!

2. Bredie of soesji?

Bredie

3. Wyn of bier?

Wyn

4. Italiaans of Suid-Afrikaans?

Italiaans! Ek is gek na Italiaans.

5. Sal jy eerder vloere was of skottelgoed was?

Vloere!

Besoek Jamie’s Italian vir meer inligting.

Our wood-fired oven in #Newcastle makes amazing #pizza! #hotstuff

A photo posted by Jamie’s Italian UK (@jamiesitalianuk) on Apr 28, 2016 at 8:05am PDT

Lees nou

Kortpad-souttert, Herman se manier!

Wenke vir ’n klein spasie

The post Herman gesels met Jamie’s se sjef Shane appeared first on SARIE.

Labneh is ’n jogurtkaas van Libanon in die Midde-Ooste. Dis baie maklik om te maak, maar moet lank genoeg in die yskas hang sodat die wei kan afloop.

genoeg vir 4

• 1 liter Griekse volroomjogurt (dubbeldik)
• 5 ml sout
• 2 knoffelhuisies, fyngekap
• 1 m melkdoek (moeseliendoek, kyk by materiaalwinkels)
• 1 x 30 g-pakkie grasuie, fyngekap
• 24 stukke gemengde babagroente (klein wortels, radyse, sprietuie)
• 60 ml olyfolie
• 1 hand vol vars basiliekruid
• sout en varsgemaalde swartpeper

Begin 3 dae voor jy die kaas wil voorsit: Meng jogurt, sout en knoffel. Vou melkdoek dubbel en plaas in ’n skoon glasbak sodat die doek oor die rand hang. Gooi die jogurtmengsel in die doek en bring die punte van die lap bymekaar. Draai baie styf toe sodat die jogurt in ’n bal saamgepers word. Bind stewig vas met kombuistou. Laat hang in jou yskas met ’n glasbak onder die jogurt – die jogurt moet sowat 10 cm bo die bak hang sodat die wei kan afloop. Druk die jogurt ná 24 uur nog fermer bymekaar en bind die doek weer vas. Laat hang vir nog 2 dae. Haal die kaas uit die doek en verdeel in 24 balle. Rol met nat hande in ronde balletjies. Rol dan die kaasballe in gekapte grasuie. Plaas babagroente op opdienbord en sit kaasballe bo-op. Sprinkel olyfolie en basiliekruid oor. Geur goed met sout en peper.

WENK
Jy kan ook die gerolde kaasballe in ’n glasfles pak en met olyfolie bedek. so sal die kaas vir tot 1 maand in jou yskas hou. Gebruik dit soos feta in slaaie.

The post Labneh-kaas met babagroente appeared first on SARIE.

Die bekende sjef Jamie Oliver het die eerste keer sorbet op dié manier op ’n kookprogram gemaak. Dit is die maklikste manier van roomys maak wat ek nog gesien het. Ek gebruik room pleks van suikerwater vir ’n ryker weergawe – pure bederf!

genoeg vir 4

• 2 x 400 g-pakkies bevrore aarbeie
• 1 x 250 ml-houer dubbeldik room
• 1 hand vol kruisementblare
• 80 ml strooisuiker
• warm water

Plaas aarbeie, room, kruisement en suiker in voedselverwerker met metaallem
– dit moet ’n plat, ronde verwerker wees met ’n los deksel. Verwerk op hoë spoed tot mengsel soos dik, romerige roomys begin lyk. As dit lyk of die vrugte te hard gevries is, gooi ’n klein bietjie warm water by terwyl die menger loop sodat die aarbeie sagter word. Sit dadelik voor of skep in ’n roomysbak en hou in die vrieskas tot jy dit voorsit.

Wenk
Dit lyk dalk asof die mengsel sukkel om puree te word, maar ná ’n paar minute sal die mengsel skielik bymekaarkom. Jy kan enige ander bevrore vrugte gebruik, soos mango en frambose.

The post Aarbei-en-kruisementroomys binne 5 minute appeared first on SARIE.

Moeg van wors en pap? Word die braaimeester in die buurt met dié watertanddisse.

Vuur aansteek en vleis braai vir familie en vriende is só ’n tipies Suid-Afrikaanse tradisie, dit het sinoniem geword met ’n openbare vakansiedag wat ons erfenis vier. Kyk dié video vir inspirasie om jou braai op 24 September woema te gee.

Met hierdie vingerlekdisse is elke dag Braaidag. Koop die bestanddele aanlyn hier by Woolworths.

The post Nuwe braai-resepte waarop jy dié somer gaan staatmaak appeared first on SARIE.

Maalvleis bly een van die bekostigbaarste maniere om jou gesin kos te gee. Maar dit hoef nooit eenvoudig of vervelig te wees nie, al wat jy nodig het, is maalvleis van baie goeie gehalte (ek verkies maer beesmaalvleis), en natuurlik goeie gaarmaakmetodes!

En die bonus? Net sowat R100* per gereg vir 4 mense

Maak jou maalvleis so geurig:

• Gebruik hoëgehalte-maalvleis met min vet, want die vet kook weg en jy gaan baie min vleis oorhê as jy met vetterige maalvleis begin.

• Gebruik vars groente in seisoen om seker te maak alles smaak geurryk en op sy beste.

• Vleissouse soos bolognese vra genoeg tyd om te kook, want dis die lang kooktyd wat die eindresultaat geurig maak.

• Onthou dat bykosse ook op hul beste moet smaak sodat die kroongereg se geure tot hul reg kom.

1. Maalvleis-koftas op koeskoes

Hierdie gereg uit die Midde-Ooste kom kuier gereeld in my huis. Dis ook lekker as jy dit oor die kole braai. Maak genoeg, want jou gaste gaan vra vir nog!

FOTO Donna Lewis

2. Boerekerrie-en-rys met bone

Ek het in die Noord-Kaap grootgeword en dié soet kerrie was ’n gunsteling van my ma. Sit hom voor met roosterkoek of vuurwarm vetkoek. Jy kan natuurlik winkeldeeg vir albei gebruik!

FOTO Lee Malan

3. Basisresep van bolognese

My vriende vertel gereeld vir my hulle kan nie kook nie, maar ek glo dit nie: As jy kan lees, kan jy kook! My raad aan hulle is altyd dieselfde, en dis dat jy 2-3 basiese resepte moet bemeester. Een so ’n resep is bolognese. Hy sal jou nooit teleurstel nie.

FOTO Donna Lewis

4. Frikkadel-kerrie

Ek het al dikwels frikkadelle geëet wat droog en aaklig is, maar kry jy hom perfek reg, smelt my hart sommner net daar! Die geheim is die sous waarin jy die frikaddelle gaarmaak. Gebruik goeie speserye vir die sous en neem tyd daarmee.

FOTO Donna Lewis

5. Jaffels

Die jaffel is terug en soos hy homself al by menige kerkbasaar, skoolfondinsameling en tuisnywerheid bewys het, wéét hy hoe om harte te steel. Die sukses van enige jaffel word bepaal deur sy vulsel. Hierdie maalvleisvulsel is perfek –  maak genoeg en vries dit in porsies. So kan jy gou lekker kos maak. Soek jy ’n jaffelpan? Koop dit aanlyn hier! 

FOTO Donna Lewis

* Die pryse word op die gemiddelde prys van bestanddele beraam. Dit sal ook verskil van winkel tot winkel.

The post Spaar 5 maal – met maalvleis jou beste maat! appeared first on SARIE.

Leerders van party laerskole in die land mag slegs een keer per week lekkernye in die kosblik hê. Pak dit in saam met hierdie prettige broodjie.

genoeg vir 2

• 4 snye witbrood
• 20 ml sagte botter of margarien
• 4 snye ham
• 4 snye kaas

Smeer botter op brood. Plaas ’n sny ham en ’n sny kaas op elk van 2 snye brood, gevolg deur nog ’n sny ham en kaas. Bedek met ander sny brood. Sny die toebroodjies in vormpies. Laat die kinders help om die vorms te kies en uit te druk, om hulle lus te maak vir die broodjie wat in die kosblik wag. Sit in kosblik saam met ’n vrug en ’n goedgekeurde lekkerny.

The post 4×4-Toebroodjies vir skool appeared first on SARIE.

Voedsame smoothies kan in ’n japtrap berei word.

genoeg vir 3 – 4

• 500 g bevrore bessies
• 250 ml Griekse-styl jogurt
• 2 ryp piesangs, geskil
• 125 ml volroom-melk
• 60 ml heuning

Plaas al die bestanddele in ’n voedselverwerker en verpulp tot glad. Skink uit in houer en verkoel in yskas tot benodig.

The post Bessie-smoothie appeared first on SARIE.

Vier die einde van die week met hierdie spesiale happies en vars vrugte.

genoeg vir 6

• 500 g maalvleis
• 1 ui, fyngerasper
• 60 ml tamatiesous
• 2,5 ml sout
• varsgemaalde swartpeper
• 30 ml olyfolie
• 12 klein winkelbroodrolletjies
• 12 kropslaaiblare (iceberg)
• 4 tamaties, in skywe gesny
• 12 skyfies cheddarkaas
• 200 ml mayonnaise

Plaas maalvleis, ui, tamatiesous, sout en peper in ’n mengbak. Meng alles goed saam. Verdeel maalvleis in 12 ewe groot patties. Verhit olie in ’n kleefvrye pan. Braai patties sowat 3 minute aan albei kante. Hou eenkant. Sny broodrolletjies oop. Plaas blare, tamatie, pattie, kaas en ’n skeppie mayonnaise op elke rolletjie en maak toe. Pak in saam met groente-tjips (resep volg) en vars vrugte.

Mini-kaasburgers met groente-tjips
FOTO: Micky Hoyle

GEBAKTE GROENTE-TJIPS

• 1 botterskorsie (butternut)
• 2 patats
• 4 wortels
• 4 bete
• 60 ml olyfolie
• sout en varsgemaalde swartpeper

Verhit oond tot 200 °C. Voer 2 groot bakplate uit met bakpapier.

• 1
• 2
• 3

« »

1. Sny groente so dun moontlik met mandolien (sien toestel op foto 2) of skerp mes. Werk versigtig, sodat jy nie jouself raak sny nie. Plaas groente behalwe beet in ’n groot mengbak en gooi 50 ml olie, sout en peper oor. Meng goed deur sodat groente met olie bedek is. Plaas beet in ’n aparte bak en gooi orige 10 ml olie, sout en peper oor. Meng goed deur.

2. Pak groente op bakplaat met gaatjies.

3. Bak sowat 40 minute tot droog en bros. Geur met sout en peper.

The post Mini-kaasburgers met groente-tjips appeared first on SARIE.

‘n Hele week se smaaklike inpak-eetgoed – spesiaal vir almal wat skaars kan wag om daai kosblik by die werk of skool oop te maak.

Maandag

FOTO Micky Hoyle

Hoender-voupakkies

Blaarslaai-voupakkies

Wortel-piesang-muffins

Dinsdag

FOTO Micky Hoyle

Pastaslaai

Lagieslaai

Oondgebakte hoender

Woensdag

FOTO Micky Hoyle

4 x 4-toebroodjies vir skool

BLT’S (Bacon, lettuce & tomato)

Donderdag

FOTO Micky Hoyle

Ham-kaas-en-eier-muffins

Bessie-smoothie

Vrydag

FOTO Micky Hoyle

Mini-kaasburgers met groente-tjips

The post Maak só smulkos vir saamvat appeared first on SARIE.

Jy kan die polenta al die vorige dag maak en in die yskas hou.

POLENTA
• 1 liter water
• sout en varsgemaalde swartpeper
• 250 ml polenta
• 40 g (45 ml) botter

SAMPIOENE
• 15 ml botter
• 500 g sampioene, in kwarte gesny
• 4 baba-preie
• 125 ml room
• 15 ml basiliekruid-pesto
• sout en varsgemaalde swartpeper
• sowat 50 ml olyfolie
• 50 g parmesaankaas
• hand vol bronkors (watercress)
• vars basiliekruidblare

Polenta Gooi water in ’n kastrol en bring tot kookpunt. Geur met sout en peper. Haal kastrol af van die stoofplaat en voeg polenta stadig by terwyl jy heeltyd roer met ’n ballonklitser. Roer tot glad. Plaas terug op baie lae hitte en laat prut sowat 5 minute tot dik. Smeer bak van 19 x 15 cm met botter. Gooi polenta in bak en laat staan tot koud. Maak bak toe met kleefplastiek en hou in yskas tot benodig. Sampioene Smelt botter in pan en braai sampioene sowat 5 minute. Sny punte af van preie en halveer in lengte. Sny in skyfies en plaas in ’n vergiettes. Spoel goed af met koue water om van al die sand ontslae te raak. Voeg preie by sampioene en braai tot sag. Voeg room en pesto by en geur met sout en peper. Laat prut oop tot sous verdik het. Hou warm eenkant.

Verhit oond se roosterelement. Keer polenta uit op ’n houtplank en sny in blokke van sowat 9 x 6 cm. Sprinkel helfte van olyfolie op ’n bakplaat en plaas polenta-blokke bo-op. Sprinkel res van olyfolie booor en plaas onder rooster-element. Oondrooster tot bros en goudbruin en draai versigtig om. Oondrooster aan ander kant tot goudbruin en bros. Plaas blokke op opdienborde en skep sampioene bo-op. Gebruik ’n groenteskiller en maak skaafsels van die parmesaankaas. Plaas skaafsels op blokke en garneer met bronkors en basiliekruidblare. Geur met nog swartpeper.

The post Polenta met pesto-sampioene appeared first on SARIE.