Wayde se gunsteling-kos is dié wat sy ma maak, maar hy het al in onderhoude gesê vleis is sy nommereen-keuse. As ek vandag vir hierdie goue atleet ’n ete kon kook, sou dit beslis een van dié geregte wees.

1. Bruinbredie met lam, uie en aartappels

FOTO Micky Hoyle
SARIE KOS APR/MEI 2014

2. Voorrib-steaks met chimichurri-sous

FOTO Micky Hoyle
SARIE KOS JUN/JUL 2014

3. Sondagmiddag-lamsboud

FOTO Micky Hoyle

Lees nou

Dís wat Usain vir Wayde gesê het

Tannie Ans help Wayde wen!

Wayde in syfers

The post ‘Ek wil dít vir Wayde van Niekerk kook’ – Barbara appeared first on SARIE.

The post Warmsjokolade met ‘viskoekies’ appeared first on SARIE.

Ek het grootgeword met die yskastert en tot vandag toe het ek ’n sagte plek in my hart vir dié smelt-in-die-mond-lekkerte. Hier is ’n kannie-flop-resep vir jou.

Gee dié koek se kors ekstra geur met vars vrugte, sjokolade en selfs neute!

Kaaskoek, sonder die bak

genoeg vir 1 groot koek

• 200 g sjokoladekoekies, fyngemaak
• 140 g (150 ml) botter, gesmelt
• 100 g muesli
• 385 g-blik kondensmelk
• 60 ml vars suurlemoensap
• 2 x 250 g-houer roomkaas
• 5 ml vanieljegeursel

1) Voer 25 cm-losboomkoekpan uit met bakpapier.

2) Meng koekiekrummels met botter en voeg muesli by tot mengsel die tekstuur van klam grond het. Plaas in yskas om te stol.

3) Meng kondensmelk en suurlemoensap in groot mengbak.

4) Voeg roomkaas by en klits tot dik romerige mengsel vorm. Skep in uitgevoerde kors.

5) Plaas terug in yskas vir 3 – 4 uur of oornag.

6) Verwyder ring van pan en sif kakao oor koek.

Sit voor en geniet!

The post Kaaskoek, sonder om te bak – met net 7 bestanddele appeared first on SARIE.

Eet hierdie week stylselvry met dié 5 maklike etes. 

Die meeste Suid-Afrikaners eet te veel stylsel, maar almal wil nie noodwendig ’n banting-leefstyl volg nie. Probeer dié aandetes – dis stylselvry en boonop heerlik.

• 1
• 2
• 3
• 4
• 5

« »

Murgpampoentjie-pasta

Kry die resep hier

Kammossel-en-chorizo-kebabs

Kry die resep hier

Guacamole-burger sonder rolletjie

Kry die resep hier

Murgpampoentjie-cannelloni

Kry die resep hier

Hoenderdy-kebabs met prosciutto en basiliekruid

Kry die resep hier

Laai jou inkopielys HIER af vir die hele week se bestanddele.

The post 5 styselvrye aandetes appeared first on SARIE.

Dis weer #SARIESondag-tyd, en dié keer vier ons dit saam met ’n paar voormalige SARIE Voorbladgesig-finaliste. Omring van die geure van die see en die hitte van ’n oop vuur verdryf ons die koue met gister se trooskos in ’n nuwe baadjie.

Herman Lensing, SARIE se kosredakteur, deel sy wenke vir ’n suksesvolle #SARIESondag:

FOTO Michael le Grange

• Maak ’n paar knope in ’n 3 m-lange stuk wit bull denim. Maak donkerblou materiaalkleursel aan volgens aanwysing op pakkie en kleur die denim. Spoel af en laat droog word in die son. Maak knope los en stryk. Steek 4 houtpale van 2,4 m in seesand en anker met tou. Knoop hoeke van gekleurde denimlap bokant tafel aan pale vas.

FOTO Michael le Grange

• Hier sit jy … Druk verskeie seediere uit op harde karton en knip uit. Skryf ’n gas se naam op elke diertjie. Plaas op servet saam met ’n skulp, grys klippie of selfs seepampoentjie.

Druk ons pdf-templaat.

FOTO Michael le Grange

 

• Druk prente van visse uit op karton en sny rofweg uit. Bind visse in stringe vas met tou en hang aan ankerpale van sondak.

FOTO Michael le Grange

 

• Druk ons pdf-templaat met die skool visse uit. Sny uit op stippellyne en vou ’n papierkoevert. Plak vas met kleeflint. Plaas messe en vurke in koeverte op tafel.

Dek jou tafel só

 

Wat is die week op die spyskaart? Klik HIER!

The post Trooskos vir #SARIESondag appeared first on SARIE.

Dis weer #SARIESondag-tyd, en dié keer vier ons dit saam met ’n paar voormalige SARIE Voorbladgesig-finaliste. Omring met die geure van die see en die hitte van ’n oop vuur verdryf ons die koue met gister se trooskos in ’n nuwe baadjie.

• 1
• 2
• 3
• 4
• 5

« »

Winter-viskoekies

Kry die resep hier

Rog-blikbroodjies met botter

Kry die resep hier

Mediterreense snoek oor die kole

Kry die resep hier

Patat-en-anyspoffers met karamelsous

Kry die resep hier

Warmsjokolade met viskoekies

Kry die resep hier

Jou spyskaart 

Laai jou spyskaart HIER af.

Geniet #SARIESondag in styl met wenke van Herman – klik HIER.

Slim idee om jou tafel te dek! 

The post #SARIESondag warm om die wintertafel appeared first on SARIE.

Maak hierdie geregte met ’n Brasiliaanse geurtjie in jou eie (Afrikaanse) kombuis!

• 1
• 2
• 3
• 4
• 5

« »

Portugees: Feijoada
Afrikaans: Swartboon-en-spekslaai

Kry die resep hier

Portugees: Empanadas
Afrikaans: Bobotie-fillo-pakkies

Kry die resep hier

Geroosterde-vleiskebabs

Kry die resep hier

Geroosterde-hoender-met-paprika

Kry die resep hier

Portugees: Arepas
Afrikaans: Papkoekies-met-boerewors-en-tamatiesmoor

Kry die resep hier

Afrikaans is kleurryk, Afrikaans het ritme, Afrikaans het seggenskap en Afrikaans het nut! Afrikaans is uniek en Afrikaans is universeel. Afrikaans is … oppibôl! Só skryf hulle op afrikaans.com – die splinternuwe platform vir enigiets en alles Afrikaans.

Wys hoe lyk jóú Afrikaans op afrikaans.com en jy kan tot R10 000 WEN!

The post Brasilië se beste kos in Afrikaans appeared first on SARIE.

The post Sardientjiefrittata appeared first on SARIE.

The post Lamflenters met olywe en tamatie appeared first on SARIE.

The post Slaai met hoender, Bulgaarse gort en kekerertjies appeared first on SARIE.

Ons almal ken daai oomblik as jy jou mooiste rok of nuwe hemp aantrek en vinnig ’n koppie koffie afsluk voor werk. Maar natuurlik, met jóú geluk mors die koffie sommer op jou hemp … En hoe gemaak met daai glas rooiwyn wat omval en op jou mat beland, of die lastige koskolle op jou broek?

Hier is raad vir 5 kolle wat gereeld ongenooid in my huis kom kuier.

1. Koffie

Ons almal ken daardie wit hemp of rok waarop jy per ongeluk koffie gemors het. Dit lyk dalk na min skade, maar koffievlekke wat jy nie behandel nie kan jou klere ruïneer.

Wenk Spoel dadelik die vlek onder lopende koue water uit. Dit sal die vlek onmiddellik verwyder. As die vlek droog geword het voor jy dit gesien het, plaas ’n paar druppels skottelgoedseep op die vlek en laat dit staan vir ’n uur. Moenie daaraan vryf nie. Was dit in koue water.

2. Tamatiesous

Ai, dis mos lekker om ’n vuurwarm slaptjip in tamatiesous te doop. Maar die kans dat dit op jou klere gaan beland, is altyd daar. Hoe gemaak om vinnig van dié kol ontslae te raak?

Wenk Moet nooit tamatiesouskolle in warm water was nie! Baie souse bevat kleurmiddels wat geaktiveer word as dit warm water kry en die vlekke sal dieper in jou klere intrek.

Meng sowat 80 ml witasyn by 10 liter koue water met 10 ml skottelgoedseep. Plaas jou kledingstuk in die water en laat week vir minstens ’n uur. Vryf liggies op die kol. Herhaal indien nodig – maar onthou, hou die kol weg van warm water!

3. Rooiwyn

Hierdie kol het al baie by my huis kom kuier! Sy maak haar verskyning op my matte ná partytjies of sommer op my duur wit hemp terwyl die partytjie nog aan die gang is.

Wenke Die heel belangrikste is om altyd die gemors op een plek te probeer hou. Moenie die vlek probeer skoonvee nie! Plaas eerder ’n handdoek op die kol om te verhoed dat dit verder versprei. Lig die handdoek op en sprinkel sout oor die kol. Plaas ’n skoon handdoek bo-oor en sprinkel nog sout oor. Los dit vir ’n uur sodat die sout en die handdoek hul werk kan doen. Lig die handdoek op en gooi dan witwyn bo-oor die kol. Was eers dan jou matte.

Vir jou klere Gooi dadelik iets suurs bo-op die rooiwynkol, soos wit asyn of witwyn. Die suur laat die kleur verdwyn. Was dit so gou jy kan daarna.

4. Sjokolade

Wie kan nee sê vir sjokolade? Ek weet ek sukkel daarmee. Maar so nou en dan as ek weglê aan ’n stukkie koek, eindig dit op my klere!

Wenke Hou dit weg van warm water. Ek weet dit maak nie sin nie, want die sjokolade sal mos wegsmelt onder die warm water. Om te keer dat die vet van die sjokolade diep in jou klere intrek, draai die kledingstuk om en behandel die vlek van agter af. Plaas ’n stukkie papierhanddoek bo-op die kol en dan sprinkel jy kouewater en asyn agterop die vlek. Laat dit vir ’n uur staan. Druk op die kol van agteraf op die papierhanddoek. Die meeste van die sjokolade sal in die papier vassit. Was dadelik met gewone waspoeier.

5. Olie en vet

Dít is een van die moeilikstes om uit ons klere te kry. Maak nie saak hoe netjies jy kook of eet nie, op een of ander manier eindig dit op jou klere. Hoe gemaak? Hier is die beste raad wat ek nog gekry het, en dit kom van sjef-vriend Jenny Ward!

Maak so: Koop suiwer etanol-alkohol by jou apteek en hou dit in jou kas. Sodra jy die vetkol op jy klere sien (wit of kleur), sprinkel ’n paar druppels van dié skoon alkohol bo-op. Laat staan vir sowat 20 minute en was dan dadelik. Glo my, dit werk! (As jy nie die alkohol byderhand het nie, kan jy ook ’n paar druppels suurlemoensap probeer.)

Laaste nota:

Jou eerste instink is om kolle te wil vryf en onder baie warm water te was. Ek het uit ondervinding en met meeste vlekke geleer: moenie vryf nie en bly weg van warm water. Dit laat die vlek dieper intrek in jou klere!

The post Maak só met kosvlekke appeared first on SARIE.

Begin jou dag met jou ontbyt in ’n glas! Dadels is veselryk en met Kellogg’s kan jy nie verkeerd gaan nie. 

genoeg vir 2

• 1 hand vol dadels, geweek in 250 ml lemoensap
• 1 hand vol All-Bran Flakes of Special K
• 1 hand vol gevlokte amandels
• 2 piesangs, geskil en gevries
• 250 ml rysmelk
• kruisementblare vir garnering
• ekstra gevlokte amandels vir voorsit

Plaas al die bestanddele in voedselverwerker en maak op hoë spoed fyn tot gladde mengsel. Gooi in glase en garneer met kruisement en ekstra amandels.

JY KAN WEN

Daar’s verskillende maniere waarop jy jou dag reg kan begin. Ons wil weet hoe jy jou en jou gesin wakker en gereed vir die dag kry. Hoe kikker jy jou ontbyttafel op? Laai jou resep op www.shakeupyourwakeup.co.za en kry toegang tot ander Kellogg’s-aanhangers se resepte.

Tot November sal vier mense se lekker resepte met ’n geskenkbewys van R1 000 elk beloon word.

Lees meer oor Kellogg’s se Shake up your wake up-veldtog HIER.

The post Dadel-en-rysmelk-smoothie appeared first on SARIE.

Jy lees reg. Met net twee bestanddele kan jy hierdie maklike en boonop heerlike roomys maak.

Wat het ek nodig?

•  500 ml vars room
•  1 x 380 g blik karamel-kondensmelk

Plaas die room in ’n bak en klits met ’n elektriese menger op hoë spoed tot stywe punte vorm. Skep die karamel uit in ’n kleiner mengbak en roer totdat dit ’n gladde tekstuur het. Voeg die room by en vou in sodat dit ’n ligte mengsel vorm. Plaas in lugdigte houer en sit in vrieskas. Vries vir minstens 8 uur of oornag vir beste resultate.

Lees ons nuusbrief HIER

Lees nou

Kraakvars plaatskons op sy beste!

Maak sjokolade-rolletjies só

Herman se sjokoladekoek met ganache

The post VIDEO: Roomys met net 2 bestanddele! appeared first on SARIE.

Vir hierdie week se #SARIESondag geniet ons die geur van eg Kaaps-Maleise kookkuns. Dis ’n lekker eenvoudige spyskaart wat net bietjie moeite verg.

Jy kan die samoesas en roti’s (platbrode) self maak, of sommer koop as jy nie baie tyd het nie.

• 1
• 2
• 3
• 4

« »

Groente-samoesas

Kry die resep hier

Hoender-brijani

Kry die resep hier

Botter-platbrood oftewel roti

Kry die resep hier

Koeksister-doughnuts

Kry die resep hier

Jou spyskaart 

Ons het spesiaal dié spyskaart ontwerp vir die week se ete. Jy kan dit ook HIER as ’n PDF aflaai.

Soek jy slim idees en wenke om jou kosmaak glad te verloop? Klik HIER.

Slim idee om jou tafel te dek! 

SARIE.com-kosredakteur, Tanya Fourie, deel haar wenke om die beste #SARIESondag te hê. Lees hier!

The post Kaaps-Maleis vir #SARIESondag appeared first on SARIE.

Jy het die spyskaart, die gaste is genooi en Sondag kom al nader. Maar moenie dat jou onthaal-voorbereidings ’n gejaag wees nie. Tanya Fourie, SARIE.com se kosredakteur, deel haar wenke vir ’n stresvrye #SARIESondag!

Maleise kos is die lekkerste kuierkos en maak jou warm van binne. Boonop is die bestanddele kleurryk. Hier is my 3 wenke vir die lekkerste #SARIESondag.

#1 As jy nie kans sien of tyd het om jou eie samoesas en platbrode te maak nie, gaan koop by jou naaste bakkery of tuisnywerheid.

#2 Dek jou tafel kleurryk! Kikker die gemoed op deur jou tafel kleurryk te dek – dit skep ’n gemaklike kuier-atmosfeer en jou gaste sal nog lank kuier ná die kos al op is.

#3 Probeer iets anders! Meng jou eie droë speserye vir ’n unieke smaakkombinasie – hier’s ons voorstel, maar maak dit uniek deur jou eie kombinasie op te maak.

Kaaps-Maleise speserymengsel

• 10 ml fyn gemmer
• 3 ml brandrissievlokkies
• 15 ml kaneel
• 10 ml komyn
• 15 ml koljander
• 5 ml borrie
• 4 kardemomsade
• 2 kaneelstokke
• 2 lourierblare

Wat is op die spyskaart? Lees hier!

The post Wenke vir die lekkerste #SARIESondag appeared first on SARIE.

Dit raak al hoe vroeër lug en die sonnetjie raak ál warmer. Dit beteken lente is in die lug! Dit voel of ons energievlakke saam met die temperatuur styg en ons is weer lus vir geurige ligte etes met minder suiker.

Hier is 5 vinnige aandetes vir die week om lente se koms te vier.

• 1
• 2
• 3
• 4
• 5

« »

Warm slaai van gebraaide kekerertjies en chorizowors

Kry die resep hier

Oondgebakte snoek met gebakte patats

Kry die resep hier

Slaai met hoender, Bulgaarse gort en kekerertjies

Kry die resep hier

Gevulde skulppasta

Kry die resep hier

Gekrummelde lamstjops met parmesaankaas-ertjies

Kry die resep hier

The post Lekker ligte lente-aandetes vir die week appeared first on SARIE.

Minder suiker beteken nie jy hoef poeding en soetgoed heeltemal uit te sny nie.

Eet net minder daarvan en bak slim. Hier’s 4 opsies met minder suiker of suiker-alternatiewe.

Klik op die resep se naam of foto vir die resep.

Grondboontjiebotter-kaaskoek

Sjokolade en bloubessiepoeding

FOTO Donna Lewis

Maaskaastert

FOTO Donna Lewis

Klapper-en-sjokoladekoekies

FOTO Lee Malan

The post 4 soetgoed met minder suiker appeared first on SARIE.

Moenie TABASCO® net bo-oor jou kos sprinkel nie – kook daarmee! Gebruik enigeen van die geure om ’n wen-burger te maak.

Hamburger met guacamole

genoeg vir 4

Burger

• 1 ciabatta-broodrolletjie
• 500 g bees-maalvleis
• 1 eier
• 1 knoffelhuisie, fyngekap
• 30 ml TABASCO® GREEN PEPPER SAUCE
• sout en varsgemaalde swartpeper
• 4 ciabatta-broodrolletjies
• 40 g bronkors
• 4 snye wit cheddarkaas
• 2 tamaties, in skywe gesny

Guacamole

• 2 avokado’s
• 6 kort rooi sprietuie, fyngekap
• sout en varsgemaalde swartpeper
• 6 – 8 druppels TABASCO® GARLIC PEPPER SAUCE
• sap van 1 lemmetjie

BURGER Kap die broodrolletjie fyn in voedselverwerker tot krummels vorm. Plaas maalvleis, eier, knoffel en TABASCO® GREEN PEPPER SAUCE saam in mengbak. Geur met sout en peper. Vorm 4 patties. Plaas in yskas vir 30 minute. Verhit ’n riffelpan. Braai patties weerskante tot so gaar as wat jy dit verkies. Sny rolletjies oop en plaas in dieselfde riffelpan met gesnyde kant na onder. Braai tot net goudbruin.

Plaas bronkors op die onderkant van die rolletjies. Plaas ’n pattie bo-op, dan kaas en dan tamaties.

GUACAMOLE Skep die avokado-vlees in mengbakkie. Druk fyn met vurk. Voeg sprietuie by en geur met sout en peper. Voeg TABASCO® GARLIC PEPPER SAUCE en lemmetjiesap by. Meng goed en skep bo-op burgers. Maak burgers toe met boonste deel van rolletjies.

* TABASCO® is ’n eksklusiewe geregistreerde handelsmerk van McIlhenny Company, Avery-eiland, Louisiana, VSA 70513

** Resep en stilering Barbara Joubert
Bygestaan deur Philippus le Roux

The post Geurige hamburger appeared first on SARIE.

As dit kom by lekker eet en skelm bederwe, is daar sekere kossoorte waarvoor jy net nie nee kan sê nie. Jy wéét die skaal se naald styg met elke happie, maar eet sal jy eet.

Vergeet eers van die dieet! Daar is min dinge wat meer kan troos, meer geluk kan gee of jou net eenvoudig so goed kan laat voel soos dié verbode vrugte.

1. Karamel-kondensmelk

As kind en nou as grootmens bederf ek myself gereeld met ’n blikkie karamel-kondensmelk. Ek gaan sit voor die TV met ’n teelepel en eet dit saam met skywe piesang. As ek weer kyk, is die blikkie leeg!

2. Kaneel-pannekoek

Of dit nou winter of somer is, ek ryg pannekoek in asof dit my laaste maaltyd op aarde is. En as dit voorgesit word met ’n skyfie suurlemoen, glo ek hy is onmiddellik gesonder en ek eet sommer twee of drie. Om die hoek van my huis af, by die plaaslike supermark se ingang, is daar ’n King Pancake-stalletjie wat warm pannekoek verkoop. Ek kan myself nie help om een te eet as ek instap én uitgaan nie. Hier is die kannie-flop-pannekoek resep!

FOTO Herman Lensing

3. Koeksisters

Is daar dan iets wat meer kan troos as koeksisters saam met ’n koppie tee? Vir my is daar niemand wat dit kon bak soos my ouma Bettie nie, haar vrieskas was altyd vol sakkies van dié goue juwele. In die warm Upington-somers het jy hulle só yskoud en gevries geëet asof dit roomys was. Hier is my moderne weergawe van koeksisters in roosstroop.

FOTO Donna Lewis

4. Warmsjokolade

Vir dié een kan ek nie maklik nee sê nie, winter of somer! As dit buite stortreën, sit ek my gunsteling-fliek aan en maak ’n romerige warmsjokolade van volroommelk. Ek eet dit graag met my ma se karringmelkbeskuit: ek kan sien hoe die vetrolle om my maag aanpak, maar ek bly eet. Hier’s my heel beste warmsjokolade-resep waarvan jy ook nie genoeg gaan kan kry nie!

FOTO Donna Lewis

5. Roomys met sjokoladesous

Die blote gedagte aan hierdie eeue oue kombinasie laat my mond water … Ek kan nie genoeg hiervan kry nie. Daar gaan byna nie ’n Sondag in my huis verby dat ek dit nié voorsit nie: vanieljeroomys, sjokoladeroomys of selfs aarbeiroomys, maak nie saak nie, hy kry altyd sy kombers van vuurwarm sjokoladesous. Hier is my heel beste resep vir dié kombinasie.

FOTO Donna Lewis

The post 5 kosse wat vet maak: Jy wéét, maar kan dit nie weerstaan nie … appeared first on SARIE.

Sout van die aarde, met ’n korreltjie sout neem, sout nodig hê, ’n sak sout met iemand opeet, jou sout verdien, ek wis van g’n sout of water nie, hy is sy sout werd … 

Wat is ’n wêreld sonder sout? 

Gelukkig hoef ons nooit te weet nie. SARIE se gesoute kosredakteur, Herman Lensing, maak ’n Weskus-draai by Jan Kotze, ’n soutvervaardiger van Velddrif.

Hy wys Herman hoe die soutproses werk en dan maak Herman gebakte beet, sout-lamsboud met salsa verde en ’n gesoute piesang-karamelpoeding. Mmmmm… sout was nog nooit so soet soos met dié nagereg nie!

Hierdie episode van Inspirasiekos met SARIE (VIA, DStv-kanaal 147) is geborg deur Spekko. Met Spekko-rys kry jy altyd meer – ook inspirasie vir heerlike nuwe geregte.

Hier is die resepte met koning sout!

Beet gebak in sout

Die sout maak die geur van die beet meer intens.

genoeg vir 6

• 2 kg growwe sout
• 40 ml vinkelsaad
• 12 groot bete, met skil
• 1 x 80 g-sakkie roketslaai
• 12 radyse
• sout en varsgemaalde swartpeper

Slaaisous

• 20 ml korrelmosterd
• 2 knoffelhuisies, fyngekap
• 30 ml witwynasyn
• 80 ml olyfolie
• 1 x 250 g bakkie crème fraîche

Verhit oond tot 200 °C. Sprinkel helfte van growwe sout in oondbraaibak. Pak bete op sout en sprinkel vinkel oor. Bedek met res van sout.

Oondbraai 90 minute of tot bete sag en gaar is. Keer pan om en breek soutkors oop deur met ’n deegroller daarop te slaan terwyl dit nog warm is. Skil bete met skerp mes en sny elkeen middeldeur. Plaas roket en radyse op ’n opdienbord. Meng al die slaaisousbestanddele behalwe die crème fraîche. Gooi sous oor slaai en skep lepels vol crème fraîche bo-op. Geur goed en sit voor.

Lamsboud gebak in sout met salsa verde

Die soutkors hou al die vog binne die lam sodat die vleis sappiger is.

genoeg vir 6 – 8

• 4 takkies roosmaryn (so lank soos wat jy kan kry)
• 3 kg lamsboud aan die been
• 10 knoffelhuisies
• 60 ml olyfolie
• 1,25 kg sout
• 8 eierwitte

Salsa verde

• 2 ansjovisfilette
• 1 x 60 g-bakkie Italiaanse pietersielie
• 80 ml olyfolie
• sap en skil van 2 suurlemoene
• soetmosterd vir voorsit

Verhit oond tot 180 °C. Pak roosmaryn in oondroosterbak en plaas lamsboud bo-op. Gebruik skerp mes se punt en steek 10 gate in die boud. Druk knoffelhuisie in elke gaatjie. Sprinkel olyfolie oor lam.

Meng sout en eierwitte saam tot mengsel lyk soos klam seesand. Skep mengsel oor lamsboud – maak seker die hele boud is bedek. Bak in oond vir 90 minute. Haal uit en laat rus vir 20 minute. Breek soutkors oop en verwyder die meeste van die sout. Sny lam in skywe en sit voor met salsa verde.

Maak salsa verde so

Plaas ansjovis, pietersielie, olyfolie, sap en skil van suurlemoen in voedselverwerker. Maak fyn tot gladde puree. Geur met sout en peper.

Banana split, opgetof!

Wie onthou nie die klassieke nagereg van die 1980’s nie? Hier is my weergawe, reg om verder die 21^ste eeu in te vlieg!

genoeg vir 6

• 200 g witsuiker
• 100 ml water
• 50 ml botter
• 125 ml room
• 5 ml sout
• 6 piesangs, geskil en elk in 6 skywe gesny
• 250 ml grenadellasmeer (curd)
• 1 liter vanieljeroomys
• kleurstrooisels vir oorsprinkel

Gooi suiker in ’n pot en voeg water en botter by. Roer met ’n draadklitser oor lae hitte tot opgelos. Bring tot kookpunt en laat vinnig kook tot ’n goue karamel vorm, sowat 8 -10 minute. Moenie roer terwyl die sous kook nie. Voeg 125 ml room by en meng vinnig met ’n draadklitser tot ’n gladde karamel vorm. Werk versigtig, want die mengsel is baie warm. Laat koel af en gooi sout by.

Pak piesangskywe op opdienbord. Skep lepels vol grenadellasmeer tussenin. Skep balle roomys by. Gooi kleurstrooisels en karamelsous oor. Sit voor.

Besoek www.spekkorice.co.za vir meer resepte en volg Spekko op Facebook of@SpekkoRice op Twitter en @SpekkoSA op Instagram.

The post Toor met sout vir Inspirasiekos appeared first on SARIE.