Gesonde aandetes hoef nie tydrowend te wees nie. Probeer hierdié geregte met I&J-vis om vinnig jou gesin te voed – en vis is boonop gesond!
Hier is jou resep van Maandagaand.
Stokvis-broodjie met tartaresous
FOTO: Donna Lewis
genoeg vir 6
- 500 ml fyn polenta
- 15 ml gemengde gedroogde kruie
- sout en varsgemaalde swartpeper
- 2 eiers, geklits
- 6 I&J-stokvisfilette
- 6 broodjies van jou keuse, middeldeur gesny
- 55 g (60 ml) sagte botter
- 30 g slaaiblare van jou keuse
- 1 wit-ui, in ringe gesny4 tamaties, in skywe gesny
- sonneblomolie vir vlakbraai
- 125 g-houer tartaresous
Meng polenta met kruie en geur goed met sout en peper. Gooi geklitste
eier in plat bak en doop visfilette in eier. Bedek met polenta-krummels
en herhaal die proses nog een keer. Sny broodjies in helfte en smeer
met botter. Verdeel slaaiblare tussen broodjies en pak op een helfte, gevolg
deur paar skywe uie en tamatie. Verhit sonneblomolie in pan tot
warm en vlakbraai die gekrummelde filette – sowat 5 – 8 minute per kant
of tot goudbruin en bros. Dreineer op kombuispapier en plaas filette op
broodjies met slaai. Skep tartaresous oor en plaas ander helfte van broodjie
bo-op. Sit voor.
Kry nóg vinnige en gesonde aandete-resepte op I&J se webtuiste.
The post Jou vinnige en gesonde vis-aandete vir Maandagaand appeared first on SARIE.