Ontbyt is die belangrikste maaltyd van ons dag. Só word ons van kleintyd af geleer. Hier’s ’n maklike resep, perfek vir jou volgende ontbyt.
Maklikste Framboos-plaatkoekies
WENK: Sit voor saam met gebraaide spek vir ’n perfekte ontbyt, of as nagereg met vanieljeroomys.
genoeg vir 6
Sif 275 g (490 ml) koekmeel, 10 ml bakpoeier en ’n knippie sout saam in ’n mengbak. Voeg 30 ml suiker by. Klits 440 ml karringmelk, 1 eier en 15 ml sonneblomolie saam in ’n bak. Maak holte in middel van droë bestanddele. Gooi geklitste karringmelkmengsel in holte en meng tot gladde beslag. Voeg 200 g vars frambose by en druk frambose in growwe stukke fyn saam met mengsel. Verhit ’n kleefvrye pan en smeer ’n bietjie van die 60 ml gesmelte botter met ’n kwassie in die pan. Skep ’n eetlepel vol beslag in die pan. Wanneer borreltjies aan die bokant van die plaatkoekie vorm, draai dit om. Braai nog so 2 minute tot gaar. Jy kan 3 – 4 op ’n slag bak. Hou gaar plaatkoekies warm en herhaal proses met res van beslag. Sit warm voor met nog 200 g vars frambose en heuning of stroop.
Lees nou
4 wenke om jou lob vars te hou
Pasop! As jou kar sulke geluide maak …
The post Perfek vir ontbyt: Framboos-plaatkoekies appeared first on SARIE.