Ryk en lekker en die ideale trooskos vir koue wintersaande.
genoeg vir 4
100 g (120 ml) botter
70 g (120 ml) koekmeel
800 ml melk
sout en varsgemaalde swartpeper
4 x 250 g-stokvisfilette, vel verwyder
100 g vars broodkrummels
100 g parmesaankaas, fyngerasper
3 takkies vars tiemie se blaartjies, fyngekap
Verhit oond tot 180 °C. Smelt botter in ’n diep pan. Voeg meel by en roer met ballonklitser tot glad. Voeg melk bietjies-bietjies by en roer goed ná elke byvoeging. Prut sowat 5 minute oor matige hitte en roer deurentyd. Geur met sout en peper. Plaas vis in warm sous en sorg dat dit heeltemal toe is onder die sous. Meng broodkrummels, kaas en tiemie saam in ’n bakkie. Strooi krummelmengsel oor vis en plaas in warm oond.
Bak 20 minute tot vis gaar en krummels goudbruin gebak is. Sit voor met gestoomde broccoli en baba-aartappels.
The post Romerige visgebak appeared first on SARIE.