Waaraan dink jy as jy “Sondag” hoor? Bes moontlik aan familie en vriende en ’n heerlike bord kos. Só dink ons ook by SARIE, en oor die volgende paar maande gaan ons jou in elke SARIE KOS en weekliks op SARIE.com bederf met ’n spesiale Sondagmiddagete-plan. Van A – Z!
In dié aflewering van ons opwindende nuwe reeks deel ons vandag die spyskaart en inkopielys sodat jy solank jou #SARIESondag kan beplan.
Kry ook jou SARIESondag wenke hier.
Dié week se #SARIESondag is veral spesiaal vir al die moeders en oumas. Ons deel die week se spyskaart wat jou geliefdes kan berei – Sondag-trooskos met min moeite.
As jy wonder waaroor al die bohaai gaan, lees HIER en luister ook wat sê Denise Newman, wat in Suidooster speel, oor haar Sondagherinnering.
Blaai deur die galery vir die resepte vir jou eerste #SARIESondag.
Sampioensop
8-uur-lamskenkelpastei
Soetpatats
Malvapoeding met roomys & vla - in die mikrogolfoond!
Inkopielys
Vleis
6 groot (sowat 2 kg) lamskenkels
Suiwel
250 ml crème fraîche, 250 ml room,100 g botter
Kruie en geur
1 heel kaneelstok
Vars vrugte en groente
3 x 250 g-pakke gesnyde sampioene,1 kg klein patats
Ander
20 ml bakpoeier | 100 g donkersjokolade | 1100 g witsjokolade | 200 ml groente-aftreksel | 30 ml fyn koljander | 30 ml vinkelsade |1 x 200 g-buis tamatiepasta | 2 x 410 g-blik kersietamaties | 500 ml beesvleisaftreksel | 500 ml rooiwyn| 1 blik ingedampte melk | 35 ml appelkooskonfyt |140 g (250 ml) bruismeel | 5 ml koeksoda | 15 ml asyn | 1 liter vanieljeroomys | 500 ml vanieljevla |
Reeds in jou spens
Hout-kebabstokkies, botter, melk, eiers, sout en peper, kanola-olie (genoeg vir diep-braai), olyfolie, vanieljegeursel, uie, knoffelhuisies, hoenderaftreksel, witwynasyn, heuning, sagte bruinsuiker, strooisuiker, bruismeel, tamatiesous, worcestersous, blatjang, sojasous, koekmeel
The post #SARIESondag vir ons Moedersdag appeared first on SARIE.